బాక్సాఫీస్ వద్ద ‘పుష్ప 2’ వైల్డ్ ఫైర్ కలెక్షన్స్..! 3 రోజుల్లో ఎన్ని వందల కోట్లంటే ..?

ఐకాన్ స్టార్ అల్లుఅర్జున్ హీరోగా సుకుమార్ దర్శకత్వంలో తెరకెక్కిన సినిమా ‘పుష్ప 2’. ఈ సినిమా డిసెంబర్ 5న ప్రపంచవ్యాప్తంగా భారీ అంచనాల మధ్య విడుదలై బ్లాక్ బస్టర్ టాక్ తో భారీ కలెక్షన్స్ రాబడుతోంది. ఈ సినిమా ఫ‌స్ట్ డే కలెక్షన్స్ తో చరిత్ర సృష్టించింది. ఈ సినిమా ప్రపంచవ్యాప్తంగా మొదటి రోజు రూ.294 కోట్లు వసూలు చేసిందని చిత్ర నిర్మాణ సంస్థ మైత్రి మైవీ మేకర్స్ అధికారికంగా ప్రకటించింది. ఈ క్రమంలో భారతీయ సినిమా చరిత్రలో తొలిరోజు అత్యధిక వసూళ్లు రాబట్టిన సినిమాగా ‘పుష్ప 2’ మూవీ రికార్డు క్రియేట్ చేసింది.తాజాగా ‘పుష్ప’ సినిమా మూడు రోజుల్లో 621 కోట్ల గ్రాస్ వసూలు చేసి సరికొత్త రికార్డు సృష్టించింది. మూడు రోజుల్లో ఏ భారతీయ సినిమా కూడా ఈ రేంజ్ కలెక్షన్స్ వసూలు చేయలేదు. దీంతో బన్నీ అభిమానులు, చిత్ర యూనిట్ సంతోషం వ్యక్తం చేస్తున్నారు.ఈ కలెక్షన్స్ జోరు చూస్తుంటే రేపు నాలుగు రోజుల్లో పుష్ప సినిమా ఈజీగా 800 కోట్ల గ్రాస్ క్రాస్ చేస్తుందని తెలుస్తుంది. ఈ లెక్కన ఈ సినిమా ఏకంగా 1200 కోట్లను రాబడుతుంది అని అంచనా వేస్తున్నారు.