– పంజాగుట్ట పీఎస్లో కేసు నమోదు
ఇదేనిజం, తెలంగాణ బ్యూరో: పుష్ప మూవీలో అల్లు అర్జున్ పక్కన కేశవ అనే పాత్రలో నటించిన జగదీశ్ పై పంజాగుట్ట పీఎస్ లో కేసు నమోదైంది. అతడిని పోలీసులు అరెస్ట్ చేసి రిమాండ్ కు తరలించారు. జగదీశ్ వేధింపులతో ఓ జూనియర్ ఆర్టిస్ట్ సూసైడ్ చేసుకున్నట్టు పోలీసుల విచారణలో తేలింది. జగదీశ్ వేధింపులతో ఓ జూనియర్ ఆర్టిస్ట్ సూసైడ్ చేసుకున్నది. దీంతో అతడిపై కేసు నమోదైంది. పంజాగుట్టకు చెందిన ఓ జూనియర్ ఆర్టిస్ట్ తో జగదీశ్ కు కొంతకాలంగా పరిచయం ఉంది. అయితే జగదీశ్.. సదరు జూనియర్ ఆర్టిస్ట్.. మరో వ్యక్తితో సన్నిహితంగా ఉన్నప్పుడు ఫొటోలు తీసి వాటిని సోషల్ మీడియాలో పోస్ట్ చేస్తానని బెదిరించాడు. వేధింపులు తట్టుకోలేక ఆమె గత నెల 29న ఉరేసుకొని ఆత్మహత్య చేసుకుంది. ఈ ఘటనపై పోలీసులు ఎంక్వైరీ చేయగా.. జగదీశ్ వేధింపుల వల్లే ఆత్మహత్య చేసుకున్నట్టు తేలింది. దీంతో పోలీసులు జగదీశ్ పై కేసు నమోదు చేసి అరెస్ట్ చేశారు. బుధవారం అరెస్టు చేసి రిమాండ్‌కు తరలించారు.
