– సోషల్ మీడియాలో వీడియో వైరల్
ఇదేనిజం, నేషనల్ బ్యూరో: కాంగ్రెస్ అగ్రనేత రాహుల్ గాంధీ ఓ చిన్నారిని ఆటో గ్రాఫ్ ఇస్తావా? అంటూ అడిగారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఇటీవల ఆయన తమిళనాడులో పర్యటించారు. ఊటీలో పూర్తిగా మహిళల చేత నడుపబడుతున్న ఓ చాక్లెట్‌ ఫ్యాక్టరీకి వెళ్లారు. అక్కడ చాక్లేట్ల తయారీ గురించి తెలుసుకున్నారు. ఈ టైమ్ లోనే ఓ చిన్నారి రాహుల్ దగ్గరకు వచ్చింది. కొద్దిగా ఆటోగ్రాఫ్‌ ఇస్తారా? అంటూ పెన్ను, పేపర్‌ అతని చేతిలో పెట్టింది. ఆ బుక్‌లో తన సంతకం చేసిన తర్వాత.. తనకు ఓ ఫేవర్‌ చేస్తావా అంటూ ఆ చిట్టితల్లిని రాహుల్ గాంధీ అడిగారు. ఆమె నవ్వుతూ ఓకే చెప్పింది. అదే నోట్‌బుక్‌ను ఆమెకు ఇచ్చి నీ ఆటోగ్రాఫ్‌ ఇవ్వవా అంటూ అడిగారు. సంతోషం వ్యక్తంచేసిన ఆ చిన్నారి.. చిరునవ్వులు చిందిస్తూ తన పేరు రాసి ఇచ్చింది. ఈ వీడియోను తాజాగా కాంగ్రెస్ పార్టీ అఫిసియల్ ట్విట్టర్ పేజ్ లో పోస్ట్ చేయగా వైరల్ అవుతోంది.
