రాహుల్ గాంధీకి అస్వస్థత..!

న్యూఢిల్లీ: రాహుల్ గాంధీ ఆదివారం అస్వస్థతకు గురయ్యారు, దీని వల్ల రాంచీలో జరిగే ఇండియా కూటమి ర్యాలీకి మరియు మధ్యప్రదేశ్‌లో ప్రచార కార్యక్రమానికి కూడా దూరంగా ఉండవలసి వచ్చింది. ఈ ర్యాలీకి కాంగ్రెస్ తరుపున ఆ పార్టీ చీఫ్ మల్లికార్జున ఖర్గే హాజరవుతున్నారు. ఈ విషయాన్నీ కాంగ్రెస్ అధికార ప్రతినిధి జైరామ్ రమేష్ మధ్యాహ్నం ప్రకటించారు. రాహుల్ గాంధీ సాత్నాలో ప్రచారంలో ప్రసంగించిన తర్వాత రాంచీలో ఇండియా బ్లాక్ ర్యాలీకి హాజరయ్యేందుకు సిద్ధంగా ఉన్నారని, అయితే అతను అకస్మాత్తుగా అస్వస్థతకు గురయ్యారని జైరాం రమేష్ ఎక్స్ వేదికగా ట్వీట్ చేశారు. రాంచీలో జరిగే ‘‘ ఉల్గులన్ న్యాయ్’’ ర్యాలీకి ఢిల్లీ సీఎం అరవింద్ కేజ్రీవాల్ సతీమణి సునీతా కేజ్రీవాల్, జార్ఖండ్ మాజీ సీఎం భార్య కల్పనా సోరెన్ కూడా హాజరుకానున్నారు.