– ఎన్నికల అవగాహనపై ప్రధాన చర్చ
ఇదేనిజం, తెలంగాణ బ్యూరో: తెలంగాణ జనసమితి అధినేత కోదండరాం.. రాహుల్ గాంధీతో భేటీ అయ్యారు. కరీంనగర్ లోని వీపార్క్ హోటల్లో వీరు సమావేశమైనట్టు సమాచారం. ఎన్నికల్లో కలిసి పనిచేసే అంశంపై ప్రధానంగా చర్చ జరిగినట్టు సమాచారం. అసెంబ్లీ ఎన్నికల్లో పోటీ చేయాలని కోదండరాంను రాహుల్ కోరారని.. అయితే పోటీకి ఆసక్తి లేదని కోదండరం తేల్చిచెప్పినట్టు సమాచారం. ఈ రెండు పార్టీల పొత్తుల అంశంపై కూడా చర్చకు వచ్చినట్టు సమాచారం. ముథోల్, ఎల్లారెడ్డి, కోరుట్ల, జహీరాబాద్ స్థానాలను తెలంగాణ జనసమితి ఆశిస్తున్నట్లు తెలుస్తోంది. మరి రెండు పార్టీలు పొత్తు పెట్టుకోబోతున్నాయా? అన్నది వేచి చూడాలి.
