– కాంగ్రెస్కు ఫుల్ మెజార్టీ వస్తే రేవంతే సీఎం
– మెజార్టీ తగ్గితే ఉత్తమ్కు చాన్స్?
– ఫలితాలపై తీవ్ర ఉత్కంఠ
– రంగంలోకి డీకే .. బీఆర్ఎస్ అసంతృప్తులకూ గాలం
ఇదే నిజం, తెలంగాణ బ్యూరో: కాంగ్రెస్ అగ్రనేత రాహుల్ గాంధీ ఆశిస్సులు సంపూర్ణంగా రేవంత్ రెడ్డికే ఉన్నట్టు సమాచారం. కాంగ్రెస్ పార్టీకి ఫుల్ మెజార్టీ వస్తే కచ్చితంగా రేవంత్ రెడ్డినే ఆయన ముఖ్యమంత్రిగా ప్రతిపాదించే అవకాశం ఉంది. ఒకవేళ మెజార్టీ తగ్గితే ఇతర ఎమ్మెల్యేలు గ్రూపులు కట్టే అవకాశం ఉంది కనక అధిష్ఠానం కొంతమేర తలొగ్గే చాన్స్ ఉంది. అయితే రేవంత్ రెడ్డి పీసీసీ అధ్యక్షుడయ్యాకే కాంగ్రెస్ పార్టీ బలపడిందని రాహుల్ భావిస్తున్నారట. అందుకే ఆయన వైపే మొగ్గు చూపుతున్నట్టు సమాచారం.
బెంగళూరులో రూమ్స్ బుక్
రేపు ఫలితాలు రానున్న నేపథ్యంలో కాంగ్రెస్ హైకమాండ్ అలర్ట్ అయ్యింది. తమ పార్టీ నుంచి ఎమ్మెల్యేలుగా గెలుపొందేవారు చేజారికుండా పకడ్బందీగా వ్యూహాలు రచిస్తోంది. ఈ బాధ్యత మొత్తం కర్ణాటక డిప్యూటీ సీఎం డీకే శివకుమార్ పర్యవేక్షిస్తున్నట్టు తెలుస్తోంది. ఇక్కడ ఎన్నికల ఫలితాలు పూర్తి కాగానే.. ఎమ్మెల్యేలను కర్ణాటకలోని హోటళ్లకు తరలించేందుకు ఏర్పాట్లు చేస్తున్నారు. పూర్తి మెజార్టీ వచ్చినా.. మ్యాజిక్ ఫిగర్ కు తక్కువ వచ్చినా ఎమ్మెల్యే అభ్యర్థులను మాత్రం బెంగళూరుకు తరలించేందుకు ప్రయత్నం చేస్తున్నట్టు సమాచారం.
పూర్తి మెజార్టీ రాకపోతే..
ఒకవేళ కాంగ్రెస్ పార్టీకి మెజార్టీ రాకపోతే బీఆర్ఎస్ ఎమ్మెల్యేలను తన వైపుకు తిప్పుకొనేందుకు సైతం డీకే ప్రయత్నం చేస్తున్నట్టు సమాచారం. ఎట్టి పరిస్థితుల్లోనూ తెలంగాణలో అధికారం నిలబెట్టుకోవాలని చూస్తున్న కాంగ్రెస్ పార్టీ.. మొత్తం బాధ్యతను డీకేకు అప్పగించింది. ఇక బీఆర్ఎస్ సైతం రాష్ట్రంలోని పరిస్థితులను సైలెంట్గా గమనిస్తోంది. కాంగ్రెస్, బీఆర్ఎస్ కు సమానస్థానాలు వస్తే.. ఎంఐఎం, బీజేపీ సపోర్ట్తో అధికారంలోకి రావాలని చూస్తోంది. కాంగ్రెస్ పారా చూట్ లీడర్లు సైతం తమ పార్టీలోకి వస్తారని ఆ పార్టీ భావిస్తోంది.
