Railway station : ఆ రైల్వేస్టేషన్ కు మహర్దశ..!

Railway station : కేంద్ర ప్రభుత్వం తీసుకొచ్చిన అమృత్ భారత్ స్టేషన్ల పథకం ద్వారా ఏపీ రాష్ట్రంలోని అనేక రైల్వే స్టేషన్ల (Railway station) రూపురేఖలు మారుతున్నాయి. అమృత్ భారత్ స్టేషన్ల పథకం కింద రైల్వే శాఖ ఏపీలోని 73 రైల్వే స్టేషన్లను అభివృద్ధి చేస్తున్నారు. ఈ నేపథ్యంలో పశ్చిమగోదావరి జిల్లాలోని భీమవరం టౌన్ రైల్వే స్టేషన్‌లో కూడా అభివృద్ధి పనులు జరుగుతాయి. భీమవరం టౌన్ రైల్వే స్టేషన్‌ను అమృత్ భారత్ స్టేషన్ల పథకం కోసం ఎంపిక చేశారు. దీనితో, ఈ పథకం కింద రూ. 32.37 కోట్లతో రైల్వే స్టేషన్‌లో ఆధునీకరణ పనులు చేపట్టనున్నట్లు దక్షిణ మధ్య రైల్వే అధికారులు తెలిపారు. భీమవరం రైల్వే స్టేషన్ ద్వారా ప్రతిరోజూ సగటున ఏడున్నర వేల మంది ప్రయాణిస్తారు. దీనితో, భీమవరం టౌన్ రైల్వే స్టేషన్ ద్వారా సగటున వార్షిక ఆదాయం రూ. 33.20 కోట్లు వస్తుందని అంచనా. కొత్తగా కేటాయించిన రూ. 32 కోట్లతో రైల్వే స్టేషన్‌లో అభివృద్ధి పనులు చేపట్టనున్నారు. మరోవైపు, అమృత్ భారత్ స్టేషన్ పథకం కింద రెండు జిల్లాల్లోని భీమవరం టౌన్, నరసాపురం, తాడేపల్లిగూడెం మరియు ఏలూరు రైల్వే స్టేషన్‌లను ఎంపిక చేశారు. ఈ రైల్వే స్టేషన్లలో ప్లాట్‌ఫామ్‌లను విస్తరించనున్నారు. రైల్వే ప్రయాణికుల కోసం వెయిటింగ్ హాళ్లు, విశ్రాంతి గదులు కూడా నిర్మిస్తారు. కేంద్ర బడ్జెట్‌లో ఏపీ రైల్వే ప్రాజెక్టులకు రూ.9,417 కోట్లు కేటాయించారు. అలాగే ఏపీలో రూ.80,097 కోట్ల విలువైన 43 ప్రాజెక్టుల పనులను రైల్వేశాఖ చేపడుతోంది.