ఏపీలో ఈరోజు భారీ వర్షాలు నమోదవుతాయని వాతావరణ శాఖ వెల్లడించింది. తమిళనాడులో కొనసాగుతున్న ఆవర్తనం కారణంగా మహారాష్ట్ర నుంచి దక్షిణ తమిళనాడు వరకూ ద్రోణి విస్తరించి ఉందని పేర్కొంది. ఈనెల 22 వరకు మరింత బలపడి.. 24 వరకు వాయుగుండంగా మారుతుందని తెలిపింది. దీని ప్రభావంతో ఉత్తరాంధ్ర నుంచి రాయలసీమ వరకు భారీ.. మిగిలిన ప్రాంతాల్లో మోస్తరు వర్షాలు కురిసే అవకాశముందని వెల్లడించింది.
అయితే ద్రోణి, ఆవర్తనం ప్రభావంతో రాబోయే ఐదు రోజులు తేలికపాటి నుంచి ఓ మోస్తరు వర్షాలు కురిసే అవకాశముందని అమరావతి వాతావరణ కేంద్రం ప్రకటించింది. పార్వతీపురం మన్యం, అల్లూరి సీతారామరాజు, డా.బీఆర్‌ అంబేడ్కర్‌ కోనసీమ, తూర్పుగోదావరి, పశ్చిమగోదావరి, ఏలూరు, కృష్ణా, అనంతపురం, శ్రీసత్యసాయి, వైఎస్సార్, అన్నమయ్య, చిత్తూరు, తిరుపతి జిల్లాల్లో తేలికపాటి నుంచి ఓ మోస్తరు వర్షాలు కురుస్తాయని తెలిపింది.
Rain Alert: రాబోయే ఐదు రోజుల పాటు భారీ వర్షాలు.. ఈ జిల్లాలకు అలర్ట్!
