తెలంగాణలో ఉరుములు, మెరుపులతో కూడిన వానలు.. ఈ నాలుగు రోజులు భారీ వర్షాలు..!

తెలంగాణలో వర్షాకాలం ముగిసినా వర్షాలు తగ్గడం లేదు. ఎక్కడో వర్షం పడుతుంది. తాజాగా నైరుతి బంగాళాఖాతంలో మరో అల్పపీడనం ఏర్పడిందని హైదరాబాద్ వాతావరణ కేంద్రం తెలిపింది. అయితే ఇది తుఫాన్‌గా మారకపోవచ్చని భారత వాతావరణ శాఖ అంచనా వేసింది. ఇది కోస్తా వైపు అల్పపీడనంగా వచ్చి బలహీనపడనుంది. ఈ అల్పపీడన ప్రభావంతో రానున్న నాలుగు రోజుల పాటు తెలంగాణలో ఉరుములు, మెరుపులతో కూడిన వర్షాలు కురిసే అవకాశం ఉంది. నవంబర్ 11వ తేదీ వరకు వర్షాలు కురుస్తాయని.. వర్షాలతో రైతులు ఆందోళన చెందుతున్నారు. ఈ అల్పపీడనం ప్రభావంతో తెలంగాణతోపాటు ఆంధ్రప్రదేశ్, తమిళనాడు, కర్ణాటకల్లో భారీ వర్షాలు కురిసే అవకాశం ఉంది. కాగా, రాష్ట్రంలో చలి తీవ్రత క్రమంగా పెరుగుతోంది. పగటిపూట ఎండ ఉన్నప్పటికీ, సాయంత్రం మరియు రాత్రి ముఖ్యంగా తెల్లవారుజామున చలి ఎక్కువగా ఉంటుంది. వర్షాలు పడే అవకాశం ఉందని తెలిపింది.