రామ్ “డబుల్ ఇస్మార్ట్” టీజర్ రిలీజ్ డేట్ ఫిక్స్..

డైరెక్టర్ పూరి జగన్నాధ్ దర్శకత్వంలో రామ్ పోతినేని హీరోగా రాబోతున్న సినిమా ‘డబుల్ ఇస్మార్ట్’. “ఇస్మార్ట్ శంకర్” కి సీక్వెల్ గా రూపొందుతున్న ఈ డబుల్ ఇస్మార్ట్‌పై ఇప్పటికే భారీ అంచనాలు ఉన్నాయి. అయితే ఈ సినిమా టీజర్ కోసం అభిమానులు ఎంతో ఆసక్తిగా ఎదురుచూస్తుండగా.. ఈరోజు ఈ సినిమా నుంచి సాలిడ్ అప్‌డేట్ మేకర్స్ అందించారు. ఈ సినిమా టీజర్ అప్డేట్ రివీల్ చేస్తూ.. మే 15న రామ్ బర్త్ డే కానుకగా డబుల్ స్మార్ట్ క్రేజీ టీజర్ ను విడుదల చేయనున్నట్లు కన్ఫర్మ్ చేశారు. ఈ సినిమాలో సంజయ్ దత్ కీలక పాత్రలో నటిస్తున్నారు. ఈ చిత్రాన్ని పూరి కనెక్ట్స్ బ్యానర్‌పై పూరి జగన్నాథ్ భారీ ఎత్తున నిర్మిస్తున్నారు. తెలుగు, తమిళం, కన్నడ, మలయాళం, హిందీ భాషల్లో ఈ సినిమా విడుదల కానుంది.