Ramgopal Varma Offers Whisky To Goddess Maisamma : మైసమ్మకు విస్కీ పోసిన ఆర్జీవీ..
ఆర్జీవీ.. ఎప్పుడూ ఏదో ఒక విషయంలో వివాదాస్పదం అవుతూనే ఉంటాడు.
సెలబ్రిటీలు, పొలిటికల్ లీడర్లపై ఈయన వేసే సెటైర్లను అంతగా పట్టించుకోని నెటిజన్లు రాంగోపాల్ వర్మ చేసిన పనికి మాత్రం దుమ్మెత్తి పోస్తున్నారు.
కొండ మూవీ షూటింగ్ నేపథ్యంలో వరంగల్‌కు వెళ్లిన చిత్రయూనిట్‌తో స్థానిక మైసమ్మ టెంపుల్‌ను దర్శించుకున్నారు.
ఇందులో భాగంగా అమ్మవారికి విస్కీని సాకగా పోస్తూ(తాగిస్తున్నట్టు) ఓ ఫొటోను తన ట్విట్టర్‌లో అప్‌లోడ్ చేశారు రాంగోపాల్ వర్మ.
అంతేకాకుండా, ‘నేను వోడ్కా మాత్రమే తాగినప్పటికీ, మైసమ్మ దేవతను విస్కీ తాగేలా చేసాను’ అంటూ ట్వీట్ చేయడంతో దుమారం రేగుతోంది.
హిందూ దేవుళ్లపై నమ్మకం లేకపోతే వదిలేయండి కానీ, తరతరాలుగా వస్తున్న ఆచరాలను హేళన చేయకండి అంటూ హిందూ బంధువులు మండిపడుతున్నారు.
కత్తి మహేష్‌కు పట్టిన గతే ఆర్జీవీకి పడుతోంది అంటూ బండ బూతులు తిడుతున్నారు.
ఇతర మతాలపై కూడా ఇదే విధంగా వ్యవహరిస్తారా అంటూ సవాల్ విసురుతున్నారు.
చెప్పుతో కొట్టేవారు లేక ఇలాంటి చేష్టలు చేస్తున్నాడని.. మైసమ్మ తల్లితో ఆటలు ఆడొద్దు అంటూ నెటిజన్లు హెచ్చరించడం గమనార్హం.
ఈ వ్యవహారం ప్రస్తుతం నెట్టింట్లో తెగవైరల్ అవుతోంది.
