Rashmika Mandanna Item Song : నేను ఐటమ్ సాంగ్ చేయను
Rashmika Mandanna Item Song : టాలీవుడ్ టాప్ హీరోయిన్స్ రేసులో రష్మిక ఉంది. వరుస సినిమాలతో .. వరుస హిట్లతో ఆమె దూసుకుపోతోంది.
ఆమె తాజా చిత్రమైన ‘పుష్ప’ ఈ నెల 17వ తేదీన ప్రేక్షకుల ముందుకు రానుంది.
దాంతో ఆమె ఈ సినిమా ప్రమోషన్స్ లో బిజీగా ఉంది. తాజా ఇంటర్వ్యూలో ఆమె కొన్ని ఆసక్తికరమైన విషయాల గురించి చెప్పింది.
“ఈ సినిమాలో నేను శ్రీవల్లి పాత్రను పోషిస్తున్నట్టుగా ఇప్పుడు ఎవరికీ చెప్పాల్సిన పనిలేదు.
అంతలా ఈ పాత్ర పేరు జనంలోకి వెళ్లింది. తెరపై శ్రీవల్లి కాస్త క్యూట్ గా .. మరికాస్త కన్నింగ్ గా కనిపిస్తుంది.
ఇంతవరకూ నేను చేసిన పాత్రల్లో నాకు బాగా నచ్చిన పాత్ర ఇది.
ఈ పాత్రకి పడే మార్కులు అన్నీ కూడా సుక్కూ సార్ కే వెళతాయి.
‘సామీ సామీ’ సాంగ్ అంటే నాకు చాలా ఇష్టం .. కాకపోతే ఆ పాట మూమెంట్స్ చాలా కష్టంగా అనిపించాయి.
ఆ పాట కోసం చాలా హార్డు వర్క్ చేయవలసి వచ్చింది.
సమంత చేసిన స్పెషల్ సాంగ్ హైలైట్ అవుతుంది.
ఆమె ఎక్స్ ప్రెషన్స్ చూసి నేను షాక్ అయ్యాను.
నాకు మాత్రం స్పెషల్ సాంగ్స్ చేయాలనే ఆలోచన లేదు” అని చెప్పుకొచ్చింది.
