Ration Card: రేషన్ కార్డుదారులకు తెలంగాణ ప్రభుత్వం గుడ్ న్యూస్ చెప్పింది.. పాత రేషన్ కార్డుల్లో కొత్త సభ్యుల పేర్ల చేరిక కోసం వస్తున్న దరఖాస్తుల సంఖ్య గణనీయంగా పెరగడంతో ప్రభుత్వం ఈ ప్రక్రియను వేగవంతం చేసింది. పౌర సరఫరాల శాఖ అధికారులు ఇప్పటికే పెండింగ్‌లో ఉన్న దరఖాస్తుల్లో సుమారు 20 శాతం పరిష్కరించినట్టు తెలిపారు. మిగిలిన దరఖాస్తులను కూడా త్వరలోనే పరిష్కరిస్తామని వారు హామీ ఇచ్చారు.
ముఖ్యంగా గ్రేటర్ హైదరాబాద్ పరిధిలోని హైదరాబాద్, రంగారెడ్డి, మేడ్చల్–మల్కాజిగిరి జిల్లాల్లో కొత్త సభ్యుల చేర్పుల కోసం అత్యధిక దరఖాస్తులు వస్తున్నట్టు సమాచారం. ఈ జిల్లాల్లో పెద్ద సంఖ్యలో కుటుంబాలు తమ రేషన్ కార్డులను నవీకరించేందుకు ఆసక్తి చూపుతున్నాయి.
పౌర సరఫరాల శాఖ అధికారులు ప్రక్రియను మరింత సులభతరం చేసేందుకు చర్యలు చేపడుతున్నారు. దరఖాస్తుల పరిశీలనలో పారదర్శకత, వేగం పెంచేందుకు ప్రత్యేక బృందాలను ఏర్పాటు చేసినట్టు తెలుస్తోంది. ఈ చర్యలతో రాబోయే కొద్ది నెలల్లో పెండింగ్ దరఖాస్తులన్నీ పరిష్కారం కానున్నాయని అధికారులు వెల్లడించారు.
JOIN FOR REGULAR UPDATES
FOLLOW ON GOOGLE NEWS
