– మహిళలకు భారత రాష్ట్రసమితిలో గౌరవం లేదని ఆరోపణల
– త్వరలో కాంగ్రెస్ పార్టీలో చేరే చాన్స్
ఇదేనిజం, హైదరాబాద్: ఖానాపూర్ ఎమ్మెల్యే రేఖానాయక్ బీఆర్ఎస్ పార్టీకి రాజీనామా చేశారు. మహిళలకు బీఆర్ఎస్ పార్టీలో గౌరవం లేదని అందుకే పార్టీని వీడుతున్నట్టు ప్రకటించారు. ఖానాపూర్ టికెట్ రాకపోవడంతో రేఖానాయక్ చాలా రోజులుగా అసంతృప్తిగా ఉన్న విషయం తెలిసిందే. దీంతో ఇవాళ ఆమె అధికారికంగా పార్టీకి రాజీనామా సమర్పించారు. ఏ పార్టీ నుంచి బరిలోకి దిగుతానన్న విషయాన్ని త్వరలోనే ప్రకటిస్తానన్నారు. ఆమె భర్త శ్యామ్‌ నాయక్‌ ఇటీవల కాంగ్రెస్‌లో చేరారు. ఈ నేపథ్యంలో ఆమె కూడా కాంగ్రెస్‌లో చేరుతున్నట్లు తెలుస్తోంది. ఇటీవల బీఆర్ఎస్ అధ్యక్షుడు, ముఖ్యమంత్రి కేసీఆర్‌ ప్రకటించిన అసెంబ్లీ ఎన్నికల అభ్యర్థుల మొదటి జాబితాలో రేఖా నాయక్‌ పేరు లేకపోవడంతో ఆమె అసంతృప్తికి గురైన సంగతి తెలిసిందే.
