ఇదేనిజం, తెలంగాణ బ్యూరో: కాంగ్రెస్ పార్టీ తెలంగాణ నుంచి రాజ్యసభ సభ్యులను ఖరారు చేసింది. రేణుకా చౌదరి, అనిల్ కుమార్ యాదవ్ కు రాజ్యసభ సభ్యులుగా అవకాశం దక్కనున్నది. రాష్ట్రం నుంచి ఇద్దరిని రాజ్యసభకు పంపించే చాన్స్ ఉంది. దీంతో రాష్ట్రం తరఫున సోనియా గాంధీని పంపించాలని తెలంగాణ కాంగ్రెస్ నేతలు భావించారు. ఇందుకోసం గతంలో సోనియాను కలిసి విజ్ఞప్తి చేశారు. కాగా తాజాగా రేణుకా చౌదరి, అనిల్ కుమార్ యాదవ్ పేర్లు తెరమీదకు వచ్చాయి. వీరిలో రేణుకా చౌదరి ఖమ్మం టికెట్ ఆశిస్తుండగా.. అనిల్ కుమార్ యాదవ్ సికింద్రబాద్ నుంచి బరిలో దిగాలని చూస్తున్నారు. అంతేకాక ఖమ్మం సీటు నుంచి పోటీ చేయాలని చాలా మంది లీడర్లు ప్రయత్నిస్తున్నారు. తాజాగా రేణుకా తప్పుకుంటే ఈ సీటు విషయంలో కొంత పీటముడి వీడనున్నది.
- Advertisment -
