సౌరకుటుంబంలోని అంగారక, బృహస్పతి గ్రహాల మధ్య గల ఆస్టరాయిడ్‌ బెల్ట్‌లో ఉన్న ‘సైక్‌ 6’ అనే గ్రహశకలంలో ఐరన్‌, నికెల్‌, బంగారం, ప్లాటినమ్‌, కాపర్‌ వంటి అరుదైన లోహాలు సమృద్ధిగా ఉన్నట్టు అమెరికా శాస్త్రవేత్తలు తాజాగా గుర్తించారు.
ఆ గ్రహశకలం ఉపరితల ఉష్ణోగ్రతలను అంచనా వేయడంలో భాగంగా తాజాగా చేసిన విశ్లేషణల్లో ఈ విషయం బయటపడినట్టు వెల్లడించారు.
ఈ లోహాల విలువ ప్రస్తుత మార్కెట్లో 10 వేల క్వాడ్రిలియన్‌ డాలర్లుగా (రూ. లక్ష కోట్ల కోట్లు) ఉంటుందని అంచనా వేస్తున్నారు.
ఎప్పుడో 1852లో గుర్తించిన ఓ గ్రహశకలం ఉన్నట్టుండి అమూల్యమైన సంపదలతో తులతూగుతున్నదని తెలియడం ఆశ్చర్యాన్ని కలిగిస్తున్నదని, ఈ సంపదను ప్రపంచంలోని మొత్తం జనాభాకు పంచితే అందరూ బిలియనీర్లు కావొచ్చని పరిశోధకులు తెలిపారు.
కాగా, ఈ గ్రహశకలంపై పరిశోధనలకు గానూ వచ్చే ఏడాది నాసా ఓ మిషన్‌ను పంపించనున్నది.
2026లో ఆస్టరాయిడ్‌ కక్ష్యలోకి చేరుకోనున్న ఈ మిషన్‌ గ్రహశకలం పుట్టుక, నేల స్వభావం, లోహాల విలువ తదితర సమస్త సమాచారాన్ని విశ్లేషించనున్నది.
