IPL: ఐపీఎల్‌లో ధోనీ కెప్టెన్సీని ఎంజాయ్ చేసే ఫ్యాన్స్‌కు షాకింగ్ న్యూస్. ఈ సీజన్‌లో సీఎస్‌కే కెప్టెన్గా రుతురాజ్ గైక్వాడ్ వ్యవహరించనున్నాడు. పంజాబ్‌ వైస్ కెప్టెన్‌తో పాటు తొమ్మిది జట్ల కెప్టెన్లతో ఐపీఎల్ అధికారిక ఖాతా ఎక్స్ వేదికగా ఫోటో షేర్ చేసింది. గత 16 సీజన్లలో కెప్టెన్గా వ్యవహరించిన ధోనీని వయసు రీత్యా ఆ బాధ్యతల నుంచి తప్పించినట్లు తెలుస్తోంది. ధోనీ అభిమానులకు నిజంగా ఇది చేదువార్తే. రుతురాజ్‌కు 2023 ఆసియా క్రీడల్లో టీమ్ఇండియాకు నాయకత్వం వహించిన అనుభవం ఉంది.
మార్చి 22న చెన్నై సూపర్ కింగ్స్- రాయల్ ఛాలెంజర్స్ బెంగళూరు మ్యాచ్‌తో ఐపీఎల్ సీజన్ 17కు తెరలేవనుంది. ఈ మ్యాచ్‌కు చెన్నై చిదంబరం స్టేడియం వేదిక కానుంది.
