– అబ్బురపరిచేలా బీఆర్ఎస్ మేనిఫెస్టో
– అన్నదాతలకు పింఛన్ ?
– రైతుబంధు 15 వేలు
– కల్యాణలక్ష్మి రెట్టింపు
– గులాబీబాస్ చాణక్యం
ఇదేనిజం, తెలంగాణ బ్యూరో: ముఖ్యమంత్రి కేసీఆర్ విపక్షాలను ఇరుకున పెట్టేలా మరో సంచలన నిర్ణయం తీసుకోబోతున్నట్టు తెలుస్తోంది. అభ్యర్థులను అందరికంటే ముందే ప్రకటించి ఆశ్చర్యపరిచిన కేసీఆర్ మేనిఫెస్టో మాత్రం ఇంతకాలం ప్రకటించలేదు. కాంగ్రెస్ పార్టీ మెనిఫోస్టో ప్రకటించి జనంలోకి వెళ్లిన అనంతరం తాజాగా సీఎం కేసీఆర్ మేనిఫెస్టో విడుదల చేయబోతున్నారు. కాంగ్రెస్ కు దీటుగా పథకాలు ప్లాన్ చేస్తున్నారు. కేసీఆర్ అమలు చేస్తున్న హామీలను కాస్త పెంచి కాంగ్రెస్ 6 గ్యారెంటీలు ప్రకటించింది. దీంతో ముఖ్యమంత్రి కేసీఆర్ కాంగ్రెస్ హామీలను తలదన్నేలా హామీలు ఇవ్వబోతున్నట్టు తెలుస్తోంది. రైతు బంధును రూ. 15 వేలు చేయబోతున్నట్టు సమాచారం. మరోవైపు కల్యాణ్ లక్ష్మి సాయం కూడా రూ. 2 లక్షలు చేయబోతున్నట్టు టాక్. వీటికి తోడు ఆసరా, వికలాంగులు పింఛన్ మొత్తాన్ని కూడా పెంచబోతున్నారు. అయితే ఈ సారి కొత్తగా రైతుల కోసం పింఛన్ పథకాన్ని తీసుకురాబోతున్నట్టు సమాచారం.
ప్రస్తుతం ముఖ్యమంత్రి కేసీఆర్ మెనిఫోస్టో మీదే ప్రధానంగా కసరత్తు చేస్తున్నట్టు తెలుస్తోంది. మరి ఈ నెల 15న కేసీఆర్ మేనిఫోస్టోలో ఏయే అంశాలు ఉండబోతున్నాయన్నది ఆసక్తికరంగా మారింది. కాంగ్రెస్ పార్టీ హామీల కంటే .. సీఎం కేసీఆర్ ప్రకటించబోయే మేనిఫెస్టో ప్రజలకు నమ్మకం ఎక్కువ ఉండే అవకాశం ఉంది. ఎందుకంటే గతంలో ముఖ్యమంత్రి ఇచ్చిన హామీలను దాదాపుగా నెరవేర్చాడు గనక ప్రస్తుతం ఆయన ఇవ్వబోయే హామీలకు విలువ ఉండే అవకాశం ఉంది. ఇక కాంగ్రెస్ పార్టీ ఇప్పటికే పింఛన్, రైతు బంధు వంటి పథకాలు ఎంత మొత్తం ఇస్తాయో చెప్పేశాయి కనక ముఖ్యమంత్రి మేనిఫెస్టో ప్రకటించిన అనంతరం మార్చే చాన్స్ ఉండదు. మొత్తానికి సీఎం కేసీఆర్ మేనిఫెస్టో ప్రకటన విషయంలో చాణక్యం ప్రదర్శించారు.
Read More :
Dalit Bandhu కోసం లంచం అడిగితే బట్టలు ఊడదీయిస్తా
https://idenijam.com/if-a-dalit-bandhu-asks-for-a-bribe-for-a-relative-he-will-be-stripped-of-his-clothes/
