‘పుష్ప 2′ మూవీ టికెట్ రేట్ల పెంపుపై హైకోర్టు సంచలన తీర్పు..!

ఐకాన్ స్టార్ అల్లుఅర్జున్ హీరోగా సుకుమార్ దర్శకత్వం వహించిన సినిమా ‘పుష్ప 2 ది రూల్’. ఈ సినిమాలో రష్మిక హీరోయిన్‏గా నటించింది. ఈ సినిమా రిలీజ్ కు ముందు నుంచి వివాదాల్లో నిలుస్తుంది. ఈ సినిమా టికేట్లు ధరలపై తెలంగాణ హైకోర్టులో పిటిషన్ దాఖలైంది. ‘పుష్ప 2’ టిక్కెట్ ధరల పెంపుపై నేడు హైకోర్టులో విచారణ జరిగింది. అయితే ఈ పిటిషన్ పై హైకోర్టు కీలక తీర్పును ఇచ్చింది. చివరి నిమిషంలో సినిమా విడుదలను ఆపలేని హైకోర్టు ‘పుష్ప2’ సినిమాకి లైన్ క్లియర్ చేసింది. రెండు వారాల్లో పూర్తి వివరాలను సమర్పించాలని మైత్రీ మూవీస్‌ను హైకోర్టు ఆదేశించింది. తదుపరి విచారణను తెలంగాణ హైకోర్టు రెండు వారాలకు వాయిదా వేసింది. దీంతో ఈ సినిమా డిసెంబర్ 5న పాన్ ఇండియా లెవల్ లో రిలీజ్ కానుంది.