– పోలీసుల అదుపులో నిందితురాలు
ఇదేనిజం, మల్కాజ్గిరి: ఓ మహిళ మంచినీళ్ల కోసం వచ్చి గొలుసు కొట్టేసిన ఘటన మేడ్చల్ మల్కాజిగిరి జిల్లా మీర్జాలగూడులో చోటు చేసుకున్నది. మీర్జాలగూడకు రాధిక అనే మహిళ వద్దకు గుర్తుతెలియని ఓ మహిళ వచ్చి మంచినీరు కావాలని అడిగింది. ఆమె నీళ్లు తీసుకొచ్చేందుకు ఇంట్లోకి వెళ్లింది. అదే అదనుగా సదరు మహిళ రాధిక కండ్లల్లో కారంపొడి చల్లి 3 తులాల బంగారు గొలుసు కొట్టేసింది. ఈ ఘటన ఈ నెల 6న జరగగా రాధిక ఫిర్యాదు మేరకు పోలీసులు ఎంక్వైరీ మొదలుపెట్టారు. సీసీ ఫుటేజీ ఆధారంగా పోలీసులు విచారణ జరిపి సదరు మహిళను గుర్తించారు. నిందితురాలిని కృష్ణాజిల్లాకు చెందిన పుల్లమ్మగా గుర్తించి రిమాండ్ కు తరలించారు.
