ఎస్‌బీఐ కస్టమర్లకు షాక్‌.. రుణ వడ్డీ రేట్లు పెంపు..!

ఎస్‌బీఐ కస్టమర్లకు షాకింగ్ వార్త.. పలు రుణాలకు మార్జినల్‌ కాస్ట్‌ ఆఫ్‌ ఫండ్‌ ఆధారిత రుణ రేట్లను(ఎంసీఎల్‌ఆర్‌) 0.05 శాతం మేర పెంచుతున్నట్లు ఎస్‌బీఐ వెల్లడించింది. గృహరుణం లాంటి దీర్ఘకాలిక రుణాలకు సంబంధించి ఏడాది కాల ఎంసీఎల్‌ఆర్‌ను 0.05 శాతంమేర పెంచి 9 శాతానికి చేర్చినట్లు తెలిపింది. మూడు, ఆరు నెలల సమయ ఎంసీఎల్‌ఆర్‌ను కూడా పెంచినట్లు వివరించింది. శుక్రవారం నుంచి కొత్త వడ్డీ రేట్లు అమల్లోకి వస్తాయని పేర్కొంది.