ప్రజాపాలన దరఖాస్తులకు సంబంధించి ఇంకా చిత్రవిచిత్రాలు బయటకు వస్తూనే ఉన్నాయి. మొన్న శివుడు, నిన్న ఇంటి దగ్గర దొరుకతలేదు, నేడు తాజాగా కాంగ్రెస్ అధినేత్రి సోనియాగాంధీ ప్రజాపాలనలో దరఖాస్తు చేసుకున్నట్లు సోనియా గాంధీ ఫోటోతో కూడిన ఓ అప్లికేషన్ సోషల్ మీడియాలో వైరల్‌గా మారింది.
ఇందులో సోనియా గాంధీ కుమారుడిగా సీఎం రేవంత్ రెడ్డి, డిప్యూటీ సీఎం భట్టి విక్రమార్క, ఉత్తమ్ కుమార్ రెడ్డి, పొన్నం ప్రభాకర్, కూతురిగా కొండా సురేఖ, అల్లుడిగా శ్రీధర్ బాబు పేర్లు నమోదు చేశారు. ఈ అప్లికేషన్ల పైన ఎలాంటి నంబర్ లేకపోవడంతో కావాలనే చేస్తున్నట్లు భావిస్తున్నారు. ఇప్పుడు ఇందుకు సంబంధించిన ఫోటో నెట్టింట్ల వైరల్ గా మారింది.
