శ్రావణం వచ్చేసింది.. పెళ్లి బాజా తెచ్చేసింది..!

వివాహ శుభ ముహూర్తాలు ప్రారంభం కానున్నాయి. సోమవారం నుంచి శ్రావణ మాసం ప్రారంభం కావడంతో వివాహాలు, గృహప్రవేశాలు, శంకుస్థాపన వంటి శుభకార్యక్రమాలకు ముహూర్తాలు ఉన్నాయని చెబుతున్నారు. ఈ నెల 5 నుంచి పెళ్లిబాజాలు మోగనున్నాయి. ఆషాఢమాసం ముగిసి శ్రావణమాసం రానున్న తరుణంలో దాదాపు 3 నెలల విరామం తర్వాత పెళ్లిళ్ల కోసం తెలుగు రాష్ట్రాల్లోని పలు కళ్యాణ మండపాలను సిద్ధం చేస్తున్నారు. ఈ నెల 5 నుంచి 31 వరకు వివాహాలకు మంచి ముహూర్తాలు ఉన్నాయని పండితులు చెబుతున్నారు. సెప్టెంబర్ నెల భాద్రపద మాసంలో ముహూర్తాలు లేవని, మళ్లీ అశ్వయుజ, కార్తీక, మార్గశిర మాసంలో ముహూర్తాలు ఉన్నాయని చెబుతున్నారు.