SSMB29 : హాలీవుడ్ హీరోలా మహేశ్‌బాబు

Tollywood : మహేశ్ బాబు, రాజమౌళి కాంబినేషన్‌లో వస్తోన్న ఒ భారీ ప్రాజెక్టు నుంచి అప్డేట్ వచ్చింది. ఇటీవల ప్రీ ప్రొడక్షన్ పనుల్లో భాగంగా దుబాయ్‌ వెళ్లి హైదరాబాద్ తిరిగొచ్చిన చిత్రబృందం అక్కడి వీడియోను షేర్ చేసింది. ఆ వీడియోలో పొడవాటి జుట్టు, గడ్డంతో మహేశ్ బాబు ఫ్యాన్స్‌ని ఆకర్శిస్తున్నారు. లుక్ టెస్ట్‌లో భాగంగానే ఆ టీం దుబాయ్ వెళ్లినట్లు సమాచారం. భారతీయ చిత్ర పరిశ్రమలో మునుపెన్నడూ చూడని సరికొత్త ప్రపంచాన్ని రాజమౌళి ఆవిష్కరించబోతున్నారని రచయిత విజయేంద్రప్రసాద్ గతంలో ఓ ఇంటర్వ్యూలో తెలిపారు. అమెజాన్‌ అడవుల నేపథ్యంలో సాగే ఈ కథలో పలువురు విదేశీ నటులు కనిపించనున్నారు. దీనికి ‘మహారాజ్‌’ అనే టైటిల్‌ను అనుకుంటున్నట్లు టాక్‌. వెండితెరపై సరికొత్త లుక్‌లో మహేశ్‌ కనిపించనున్నారు. ఆ పాత్ర కోసం ఆయన సన్నద్ధమవుతున్నారు. మహేశ్‌కు సంబంధించి మొత్తం ఎనిమిది లుక్స్‌ను జక్కన్న టీమ్‌ రెడీ చేసినట్లు టాక్‌.