– ప్రజలు సంతోషంగా లేరు
– డెమోక్రటిక్ ప్రోగ్రెసివ్ ఆజాద్ పార్టీ చైర్మన్ గులాం నబీ ఆజాద్
– శాంతిభద్రతలకు విఘాతం కల్పించం : ఓమర్ అబ్ధుల్లా
ఇదేనిజం, తెలంగాణ బ్యూరో: ఆర్టికల్ 370 రద్దుపై సుప్రీంకోర్టు తీర్పు విచారకరమని డెమోక్రటిక్ ప్రోగ్రెసివ్ ఆజాద్ పార్టీ చైర్మన్ గులాం నబీ ఆజాద్ వ్యాఖ్యానించారు. ఈ తీర్పు పట్ల కశ్మీర్ ప్రజలెవరూ సంతోషంగా లేరని చెప్పారు. ఆర్టికల్ 370 రద్దును సమర్థిస్తూ తాజాగా సుప్రీంకోర్టు ఇచ్చిన తీర్పుపై ఓమర్ అబ్ధుల్లా స్పందించారు. జమ్ముకశ్మీర్ లో ఆర్టికల్ 370 రద్దు నిర్ణయాన్ని సమర్థిస్తూ సుప్రీంకోర్టు తీర్పు వెలువరించిన తరుణంలో అక్కడ అసెంబ్లీ ఎన్నికల నిర్వహణకు ఏర్పాట్లు పూర్తి చేయాలని ధర్మాసనం ఈసీని ఆదేశించింది. ఇక ఆర్టికల్ 370 రద్దును వ్యతిరేకిస్తూ కూటమిగా జమ్ము-కశ్మీర్ పార్టీలు ఏర్పడ్డాయి. ఇక ఈ తీర్పు సందర్భంగా సుప్రీం కీలక వ్యాఖ్యలు చేసింది. కశ్మీర్‌కు ప్రత్యేక సార్వభౌమాధికారం లేదని స్పష్టం చేసింది. కశ్మీర్ భారత్‌లో అంతర్భాగం అయినపుడు ప్రత్యేక హోదాలేమీ లేవని పేర్కొంది. ఈ తీర్పుపై నేషనల్ కాన్ఫరెన్స్ నేత ఒమర్ అబ్దుల్లా మాట్లాడుతూ.. కశ్మీర్లో శాంతిభద్రతలకు విఘాతం కలిగించబోమని స్పష్టం చేశారు.
