T20 World Cup: టీ20 ప్రపంచకప్ విజేత ఆ జట్టే.. ఆసక్తికర వ్యాఖ్యలు చేసిన ఇంగ్లండ్‌ మాజీ కెప్టెన్..

మరో నాలుగు రోజుల్లో టీ20 ప్రపంచకప్ ప్రారంభం కానుంది. జూన్ 2న ప్రారంభం కానున్న ఈ టోర్నీకి అమెరికా-వెస్టిండీస్ సంయుక్తంగా ఆతిథ్యం ఇస్తున్నాయి. ఈ గొప్ప పోరులో గతంలో ఎన్నడూ లేని విధంగా ఇరవై దేశాలు బరిలోకి దిగుతున్నాయి. వీటన్నింటిని ఒక్కొక్కటి ఐదు జట్లతో నాలుగు గ్రూపులుగా విభజించారు. గ్రూప్ దశలో టాప్-2లో నిలిచిన జట్లు సూపర్-8కి అర్హత సాధిస్తాయి. సూపర్-8కి అర్హత సాధించిన ఎనిమిది జట్లను మళ్లీ రెండు గ్రూపులుగా చేస్తారు. టాప్ 2 జట్లు సెమీఫైనల్‌కు చేరుకుంటాయి. సెమీస్‌లో గెలిచిన జట్లు జూన్ 29న బార్బడోస్‌లో ఫైనల్ మ్యాచ్ ఆడతాయి. దాదాపు నెల రోజుల పాటు జరిగే ఈ మెగా టోర్నీలో డిఫెండింగ్ చాంపియన్ ఇంగ్లండ్, ఆతిథ్య జట్టు వెస్టిండీస్, ఆస్ట్రేలియా, భారత్ ఫేవరెట్‌గా బరిలోకి దిగుతున్నాయి. అయితే టీ20 ప్రపంచకప్‌ను భారత్‌ గెలుస్తుందని ఇంగ్లండ్‌ మాజీ క్రికెటర్‌ ఇయాన్‌ మోర్గాన్‌ అన్నాడు. భారత జట్టు పటిష్టంగా ఉందని, ఆటగాళ్లు గాయపడినా విజయం సాధిస్తుందన్నారు. “టోర్నీ మొత్తం గాయాలతో సతమతమవుతున్నప్పటికీ, టీమ్ ఇండియా విజేతగా నిలుస్తుంది. అందులో ఎలాంటి సందేహం లేదు. ప్రస్తుతం భారత్ బలం, లోతు అద్భుతంగా ఉన్నాయి. చాలా మంది నాణ్యమైన ఆటగాళ్లతో, చోటు దక్కించుకోని వారి గురించి మాట్లాడుతున్నాం. భారత జట్టులో” అని ఇయాన్ మోర్గాన్ అన్నాడు.