తల్లికి వందనం.. వారి బ్యాంకు ఖాతాల్లోకి రూ.13 వేలు..!

ఆంధ్రప్రదేశ్‌లో కూటమి ప్రభుత్వం మరో కీలక నిర్ణయం తీసుకుంది. ‘తల్లికి వందనం’ పథకం కింద ఆరుగురు లేదా అంతకంటే ఎక్కువ మంది పిల్లలు ఉన్న తల్లులకు రూ.13 వేల చొప్పున నగదు జమ చేయనున్నట్లు ప్రకటించింది. ఈ మేరకు అర్హులైన తల్లుల జాబితాను మరోసారి సమీక్షించి, ఆ తర్వాత నగదును వారి బ్యాంకు ఖాతాల్లో జమ చేస్తామని ప్రభుత్వం తెలిపింది.

ఈ పథకం ద్వారా ఎంతమంది పిల్లలు ఉన్న తల్లులకైనా ఆర్థిక సాయం అందించేందుకు ప్రభుత్వం కట్టుబడి ఉందని స్పష్టం చేసింది. ఇంకా ఈ పథకం ప్రయోజనం పొందని అర్హులు తమ సమీప గ్రామ లేదా వార్డు సచివాలయాల వద్ద దరఖాస్తు చేసుకోవాలని ప్రభుత్వం సూచించింది. ఈ నిర్ణయం ద్వారా బహుసంతాన కుటుంబాలకు చెందిన తల్లులకు ఆర్థిక భరోసా కల్పించేందుకు ప్రభుత్వం చర్యలు తీసుకుంటోంది.