Telangana ICET Results : తెలంగాణ ఐసెట్‌ ఫలితాలకు డేట్ ఫిక్స్.. చెక్ చేసుకోండిలా..!!

Telangana ICET Results : తెలంగాణ రాష్ట్రంలో ఎంబీఏ మరియు ఎంసీఏ కోర్సుల్లో ప్రవేశాల కోసం నిర్వహించిన తెలంగాణ ఇంటిగ్రేటెడ్ కామన్ ఎంట్రన్స్ టెస్ట్ (TG ICET-2025) ఫలితాలు జూలై 7న విడుదల కానున్నాయి. ఈ మేరకు ఐసెట్ కన్వీనర్ ప్రొఫెసర్ రవి ఒక ప్రకటనలో తెలిపారు. జూలై 7వ తేదీ మధ్యాహ్నం 3:30 గంటలకు ఫలితాలు అధికారిక వెబ్‌సైట్ icet.tgche.ac.inలో అందుబాటులో ఉంటాయని వెల్లడించారు. పరీక్ష రాసిన అభ్యర్థులు తమ ర్యాంక్ కార్డును ఈ వెబ్‌సైట్ ద్వారా డౌన్‌లోడ్ చేసుకోవచ్చు.

ఈ ప్రవేశ పరీక్షను జూన్ 8 మరియు 9 తేదీల్లో నిర్వహించింది. ఫలితాలతో పాటు, తుది ఆన్సర్ కీ కూడా జూలై 7న విడుదల కానుంది. ఫలితాల అనంతరం అర్హత సాధించిన అభ్యర్థులు కౌన్సెలింగ్ ప్రక్రియలో పాల్గొనవలసి ఉంటుంది. కౌన్సెలింగ్ జూలై లేదా ఆగస్టు 2025లో ప్రారంభమయ్యే అవకాశం ఉంది, ఇందులో డాక్యుమెంట్ వెరిఫికేషన్, ఆప్షన్ ఎంట్రీ, సీటు కేటాయింపు, మరియు ఫీజు చెల్లింపు వంటి దశలు ఉంటాయి.