– గాంధీ విగ్రహం ఎదుట విద్యార్థుల ఆందోళన
– పీహెచ్ డీ అడ్మిషన్ల అవకతవకలపై
స్పందించాలని డిమాండ్
ఇదేనిజం, వరంగల్: కేయూలో మరోసారి ఉద్రిక్త పరిస్థితులు చోటు చేసుకున్నాయి. పీహెచ్ డీ అడ్మిషన్లలో అవకతవకలు జరుగుతున్నాయని గత కొన్ని రోజులుగా అక్కడ విద్యార్థులు ఆందోళన చేస్తున్న విషయం తెలిసిందే. తాజాగా గాంధీ జయంతి సందర్భంగా సోమవారం విద్యార్థులు మరోసారి ఆందోళన చేపట్టారు. పబ్లిక్ గార్డెన్‌లోని ఆయన విగ్రహం ఎదుట కేయూ విద్యార్థులు నిరసన తెలిపారు. ఈ కార్యక్రమం ఉద్రిక్తతలకు దారి తీసింది. గాంధీ విగ్రహం ఎదుట చేతులకు సంకెళ్లు, నల్ల రిబ్బన్‌లతో నిరసన దీక్ష చేపట్టారు. 11 గంటలలోగా వీసీ, రిజిస్ట్రార్ స్పందించకపోతే 12 గంటలకు ఆత్మార్పణకు పాల్పడుతామని విద్యార్థులు హెచ్చరించారు. కాగా పోలీసులు వారిని అదుపులోకి తీసుకొనేందుకు ప్రయత్నించగా ఉద్రిక్తత చోటు చేసుకున్నది.
