తమిళనాడులో ఘోర రైలు ప్రమాదం.. పట్టాలు తప్పిన 13 బోగీలు

తమిళనాడులో రైలు ప్రమాదం జరిగింది. భాగమతి ఎక్స్‌ప్రెస్ (12578) తమిళనాడులోని తిరువళ్లూరు జిల్లా కవరైపేట్టై రైల్వే స్టేషన్ సమీపంలో అతి వేగంతో గూడ్స్ రైలును ఢీకొట్టింది. ఆంధ్రప్రదేశ్, తెలంగాణ మీదుగా దర్బాంగ వెళ్తున్న ఈ రైలులో 13 కోచ్‌లు పట్టాలు తప్పాయి. అయితే ఈ ప్రమాదం కారణంగా తెలుగు రాష్ట్రాల మీదుగా నడిచే పలు రైళ్లను రద్దు చేసినట్లు దక్షిణ మధ్య రైల్వే అధికారులు తెలిపారు. తమిళనాడులోని తిరువళ్లూరు జిల్లా కవరైపేట్టై రైల్వే స్టేషన్ సమీపంలో భాగమతి ఎక్స్‌ప్రెస్ (12578) వేగంగా వచ్చి గూడ్స్ రైలును ఢీకొట్టింది. ఈ ప్రమాదంలో 13 బోగీలు పట్టాలు తప్పాయి. ఈ ఘటనలో కోయెన్‌ కోచ్‌లు చెల్లాచెదురుగా పడిపోయాయి. వెంటనే స్థానికులు, అధికారులు అప్రమత్తమై.. తక్షణ సహాయక చర్యలు చేపట్టారు. ఈ ఘటనలో ప్రయాణికులెవరూ చనిపోలేదని దక్షిణ రైల్వే తెలిపింది.