వేర్ ఈజ్ కేసీఆర్

కారు ఆగిపోయింది. పెట్రోల్ అయిపోయిందా లేక రిపేర్ ఏమో తెలియదు గానీ మొత్తంగా కదల్లేని పరిస్థితి ఉంది. లోక్‌సభ ఎన్నికల్లో ఖాతా కూడా తెరవలేదు. 17 స్థానాల్లో ఏడింటిలో డిపాజిట్ కోల్పోయింది. మిగతా స్థానాల్లో రెండో స్థానాన్ని కూడా నిలబెట్టుకోలేని దారుణ పరిస్థితికి దిగజారింది. కాంగ్రెస్, బీజేపీ రాష్ట్రాన్ని సగం సగం పంచుకొని ఆనందంలో ఉన్నాయి. ఆయా పార్టీల నేతలు మీడియా ముందుకు వచ్చి సంబరాలు చేసుకున్నారు. వీహెచ్ అయితే డప్పు కొడుతూ యువకుడిలా ఉత్సాహం ప్రదర్శించారు. అయితే ఏ ఎన్నిక జరిగినా సున్నా ఫలితాలు రావడమనేది బీఆర్‌ఎస్‌కు ఇదే మొదటిసారి. ఊహించని రిజల్ట్స్‌తో సార్ డల్ అయినట్టున్నారు. ఇప్పటివరకూ మాట్లాడలేదు. ఓటమికి గల కారణాలను ప్రజలతో చెప్పుకునేందుకు కూడా వెనుకాడుతున్నట్లు తెలుస్తోంది. ఈ నేపథ్యంలో కేసీఆర్ ఎక్కడ అంటూ ప్రజలు చర్చించుకుంటున్నారు.