భార్యను దారుణంగా చంపిన ఘటన.. కొనసాగుతున్న దర్యాప్తు.. భవనాన్ని ఖాళీ చేస్తున్న నివాసితులు..!

హైదరాబాద్ మీర్‌పేట పీఎస్‌ పరిధి జిల్లెలగూడ న్యూ వెంకటేశ్వర కాలనీలో జరిగిన హత్య కేసులో పోలీసుల దర్యాప్తు కొనసాగుతోంది. గురుమూర్తి అనే వ్యక్తి తన భార్య వెంకట మాధవిని దారుణంగా చంపి మృతదేహాన్ని ముక్కలు చేసి కుక్కర్‌లో ఉడికించిన సంగతి తెలిసిందే. ఫొరెన్సిక్‌ బృందం ఘటనాస్థలంలో ఆధారాలు సేకరిస్తోంది. కాగా ఈ ఘటనతో కాలనీలోని వాళ్లంతా భయాందోళనకు గురయ్యారు. పోలీసులు నిందితుడు చెప్పిన విషయాలే కాకుండా చుట్టుపక్కల కూడా అడిగి తెలుసుకుంటున్నారు. అలాగే ఈ ఘటనతో స్థానికులు భయాందోళన చెందుతూ, కొంతమంది ఇళ్లు ఖాళీ చేసి వెళ్తున్నారు.