సూపర్ స్టార్ మహేశ్ బాబు హీరోగా శ్రీలీల, మీనాక్షి చౌదరి హీరోయిన్లుగా దర్శకుడు త్రివిక్రమ్ తెరకెక్కిస్తున్నమాస్ ఎంటర్టైనర్ ‘గుంటూరు కారం’. వచ్చే ఏడాది సంక్రాతికి రిలీజ్ కానున్న ఈ సినిమాకు సంబంధించి ఫస్ట్ సాంగ్, టీజర్ కోసం ప్రిన్స్ ఫ్యాన్స్ ఎంతగానో ఎదురుచూస్తున్న సంగతి తెలిసిందే. ఈ సినిమాకు మ్యూజిక్ అందిస్తున్న తమన్ సైతం ఈ నెలలోనే ఫస్ట్ సాంగ్ వస్తుందని ఇటీవల ట్విట్టర్లో ఎమోజీలను సైతం షేర్ చేశాడు. అయితే, ఫస్ట్ సాంగ్ను మేకర్స్ రిలీజ్ చేసేలోగానే సోషల్ మీడియాలో పాటకు సంబంధించి మొదటి రెండు లైన్లు లీక్ కావడం మూవీ యూనిట్ కాస్త కలవరానికి గురిచేసింది. వీలైనంత తొందరగా ఫస్ట్ సాంగ్ను రిలీజ్ చేసేందుకు సిద్ధమైన మేకర్స్.. ఆదివారం ప్రొమో కట్ను వదిలారు. ‘ధమ్ మసాలా’అంటూ మొదలయ్యే ఈ సాంగ్ విజువల్స్లో మహేశ్ మాస్ స్వాగ్ మాత్రం కంప్లీట్గా అదిరిపోయింది. మహేశ్ నుంచి ఓ పక్కా కమర్షియల్ మాస్ సినిమా పడితే ఎలా ఉంటుందో చూడాలి అని చాలా ఏళ్లుగా ఫ్యాన్స్ కోరుకుంటున్నారు. గుంటూరు కారంతో ఆ కోరిక తీరనున్నట్లు సాంగ్ ప్రోమో చూస్తే తెలుస్తుంది. అయితే, ధమ్ మసాలా ఫుల్ సాంగ్ను మేకర్స్ ఈ నెల 7న రిలీజ్ చేయనున్నారు.
- Advertisment -
