– అశ్వారావు పేటలో కాంగ్రెస్ గెలుపు
– బీఆఎస్ అభ్యర్థి నాగేశ్వరరావుపై గెలుపొందిన ఆదినారాయణ
– ఇల్లందులోనూ కాంగ్రెస్ అభ్యర్థి విజయం
– ఉత్తర తెలంగాణలోనూ హస్తం హవా
– ముగిసిన ఆరు రౌండ్ల కౌంటింగ్
–63 సెగ్మెంట్లలో లీడ్లో కొనసాగుతున్న హస్తం పార్టీ
– హైదరాబాద్లో బీఆర్ఎస్కు ఆధిక్యత
– ఆదిలాబాద్, నిజామాబాద్,హైదరాబాద్లో బీజేపీ ప్రభావం
ఇదే నిజం, తెలంగాణ బ్యూరో: తెలంగాణ అసెంబ్లీ ఎన్నికల కౌటింగ్లో మొదటి ఫలితం వచ్చేసింది. అశ్వారావుపేటలో కాంగ్రెస్ అభ్యర్థి ఆదినారాయణరావు గెలుపొందారు. సమీప బీఆర్ఎస్ అభ్యర్థి మెచ్చా నాగేశ్వరరావుపై ఆయన గెలుపొందారు. ఇల్లందులోనూ కాంగ్రెస్ అభ్యర్థి కోరం కనకయ్య గెలుపొందారు. ఉత్తర తెలంగాణలోనూ కాంగ్రెస్ హవా కొనసాగుతోంది. దాదాపు 6 రౌండ్ల కౌంటింగ్ ముగిసేసరికి 119 సెగ్మెంట్లకు గాను 65 చోట్లు కాంగ్రెస్ లీడ్లో ఉంది. ఆరుగురు బీఆర్ఎస్ మంత్రులు పువ్వాడ అజయ్, ఎర్రబెల్లి దయాకర్ రావు, వేముల ప్రశాంత్ రెడ్డి, నిరంజన్ రెడ్డి, ఇంద్రకరణ్ రెడ్డి, కొప్పుల ఈశ్వర్ వెనుకంజలో ఉన్నారు. గజ్వేల్లో సీఎం కేసీఆర్ లీడ్లో ఉండగా..కామారెడ్డి, కొడంగల్లో రెండు చోట్ల పీసీసీ చీఫ్ రేవంత్ రెడ్డి ఆధిక్యంతో దూసుకెళ్తున్నారు. మంత్రుల మల్లారెడ్డి, తలసాని శ్రీనివాస్ ముందంజలో ఉన్నారు. గోషామహల్లో బీజేపీ, బీఆర్ఎస్ మధ్య హోరాహెరీ నడుస్తోంది. అయితే, హైదరాబాద్ జిల్లాలో బీఆర్ఎస్ సత్తా చాటుతోంది. దాదాపు 14 స్థానాల్లో లీడ్లో కొనసాగుతోంది. బీజేపీ, ఎంఐఎం సైతం నాలుగైదు స్థానాల్లో లీడ్లో ఉన్నాయి.
