పాన్ ఇండియన్ స్టార్ ప్రభాస్ హీరోగా, శృతి హాసన్ హీరోయిన్గా ప్రశాంత్ నీల్ దర్శకత్వంలో తెరకెక్కిన లేటెస్ట్ భారీ మాస్ యాక్షన్ పాన్ ఇండియన్ మూవీ సలార్ పార్ట్ 1 సీస్ ఫైర్. మొదటి నుంచి ఈ మూవీపై అందరిలోనూ భారీ అంచనాలు నెలకొన్న సంగతి తెలిసిందే. ఇక ఈ మూవీని హోంబలె ఫిలిమ్స్ సంస్థ నిర్మించగా రవి బస్రూర్ సంగీతం అందించారు. ఈ నెల 22న రిలీజ్కు సిద్ధమైన సలార్ మూవీ నుంచి ఇప్పటికే వచ్చిన టీజర్, ట్రైలర్, ఫస్ట్ సాంగ్ ఆడియెన్స్ను విపరీతంగా ఆకట్టుకున్నాయి. తాజాగా సోమవారం మూవీ టీమ్ రిలీజ్ ట్రైలర్ను విడుదల చేసింది. ఇందులో భారీ మాస్ యాక్షన్ సన్నివేశాలు, ఫైట్స్, గ్రాండియర్ విజువల్స్, ప్రభాస్ లుక్స్, స్టైల్, బ్యాక్ గ్రౌండ్ స్కోర్ అన్నీ అదిరిపోయాయి. మొత్తంగా మాసివ్ యాక్షన్తో అదరగొట్టిన ఈ ట్రైలర్ ప్రస్తుతం యూట్యూబ్లో మంచి వ్యూస్ సొంతం చేసుకొని షేక్ చేస్తోంది.
- Advertisment -
