కూకట్ పల్లిలోని ట్రాప్ బార్‌లో కల్తీ మద్యం కలకలం..!

కూకట్పల్లిలోని ట్రాప్ బార్‌లో కల్తీ మద్యం కుంభకోణం ఒక్కసారిగా సంచలనం సృష్టించింది! ఖరీదైన మద్యం పేరుతో చీప్ లిక్కర్‌ను మిక్స్ చేసి కస్టమర్లను మోసం చేస్తున్న బార్ యాజమాన్యం ఎట్టకేలకు ఎక్సైజ్ అధికారుల ఉచ్చులో చిక్కింది. ఖాళీ అయిన హై-ఎండ్ మద్యం సీసాల్లో చవకబారు లిక్కర్‌ను నింపి, లాభాల కోసం గ్లామరస్ ప్యాకేజింగ్‌తో సరఫరా చేస్తూ వస్తోంది ఈ బార్. ఈ మోసపూరిత వ్యవహారం బయటపడటంతో ఎక్సైజ్ టీమ్ రంగంలోకి దిగి, లక్షల రూపాయల విలువైన కల్తీ మద్యాన్ని స్వాధీనం చేసుకుంది. ఈ ఘటన నగరంలో తీవ్ర చర్చనీయాంశంగా మారడంతో, బార్‌లపై నిఘా మరింత కట్టడి చేయాలన్న డిమాండ్ ఊపందుకుంటోంది!