కన్నడ స్టార్, కేజీఎఫ్ ఫేమ్ యశ్‌ కొత్త సినిమా అప్‌డేట్‌ ఎట్టకేలకు వచ్చేసింది. ఓ ప్రత్యేక వీడియోతో దీని వివరాలను ప్రకటించారు. ఈ చిత్రాన్ని మలయాళ దర్శకురాలు గీతూ మోహన్‌దాస్‌ తెరకెక్కించనున్నట్లు తెలుపుతూ విడుదల తేదీని కూడా పంచుకున్నారు. యశ్‌ 19వ సినిమాగా రానున్న దీనికి ‘టాక్సిక్‌’ అనే టైటిల్‌ను ఖరారు చేశారు. ఈ వీడియోను సోషల్ మీడియాలో పంచుకున్న యశ్‌.. ‘నువ్వు వెతుకుతున్నది.. నిన్ను కోరుకుంటోంది’అనే క్యాప్షన్‌ రాశారు. ఇక ఈ చిత్రాన్ని 2025 ఏప్రిల్‌10న విడుదల చేయనున్నట్లు తెలిపారు. ఇది పూర్తి స్థాయి యాక్షన్‌ ఎంటర్‌టైనర్‌గా రానుంది. అత్యంత భారీ బడ్జెట్‌తో దీన్ని నిర్మించనున్నారు. డ్రగ్స్కు సంబంధించిన కథగా రూపొందనున్నట్లు తెలుస్తోంది. ఇక ఈ సినిమాలో సాయి పల్లవిని హీరోయిన్‌గా ఎంపిక చేసినట్లు వార్తలు వస్తున్నాయి. ‘కేజీఎఫ్’ లాంటి భారీ హిట్‌ ప్రాజెక్ట్‌ తర్వాత యశ్‌నటిస్తోన్న సినిమా కావడంతో దీనిపై అందరిలో ఆసక్తి ఏర్పడింది. అందరూ గర్వపడేలా తన తర్వాతి సినిమా ఉంటుందని యశ్‌ ఇటీవల తెలిపారు.
- Advertisment -
