మాస్ హీరో రవితేజ కథానాయకుడిగా వంశీ రూపొందించిన చిత్రం ‘టైగర్ నాగేశ్వరరావు’. స్టువర్టుపురం గజ దొంగగా పేరు గాంచిన నాగేశ్వరరావు కాలం నాటి వాస్తవ సంఘటనలు, వార్తల్ని ఆధారంగా చేసుకుని ఈ చిత్రాన్ని రూపొందించారు. ఎన్నో అంచనాల మధ్య గతేడాది అక్టోబర్‌లో పాన్‌ ఇండియా మూవీగా విడుదలై మిశ్రమ స్పందనలకే పరిమితమైంది. రవితేజ యాక్టింగ్‌ బాగున్నప్పటికీ కథ, స్క్రీన్‌ప్లేలో స్వల్ప లోపాలున్నాయని పలువురు సినీ విశ్లేషకులు అభిప్రాయం వ్యక్తం చేశారు.
ప్రస్తుతం ఈ చిత్రం యూట్యూబ్‌లో రికార్డ్ క్రియేట్ చేసింది. దాదాపు రెండు నెలల క్రితం ‘టైగర్ నాగేశ్వరరావు’ హిందీ వెర్షన్‌ను యూట్యూబ్‌లో విడుదల చేయగా.. ఇప్పటివరకూ 100 మిలియన్ల వ్యూస్‌ సొంతం చేసుకుంది. పది లక్షల మంది లైక్‌ కొట్టారు. ఈ విషయంపై చిత్ర నిర్మాణ సంస్థ ఆనందం వ్యక్తం చేసింది. తమ చిత్రాన్ని ఆదరించిన ప్రేక్షకులకు కృతజ్ఞతలు తెలుపుతూ పోస్ట్‌ చేసింది.
