Today Gold Rate: వామ్మో.. మళ్లీ పెరిగిన బంగారం ధరలు.. నిపుణులు కొనుగోలుదారులు కీలక సూచనలు..!

Today Gold Rate: బంగారం ధరలు మరోసారి ఆకాశాన్ని తాకాయి. తెలుగు రాష్ట్రాల్లోని ప్రధాన నగరాల్లో బంగారం ధరలు భారీగా పెరిగాయి. గత కొంతకాలంగా బంగారం ధరల్లో హెచ్చుతగ్గులు కొనసాగుతున్న నేపథ్యంలో, శనివారం బంగారం ధరలు గణనీయంగా పెరిగాయి. ప్రధాన నగరాలైన హైదరాబాద్, విజయవాడలలో శుక్రవారం రూ.90,150 వద్ద ఉన్న 22 క్యారెట్ల బంగారం ధర, రూ.300 పెరిగి రూ.90,450కి చేరుకుంది. అదేవిధంగా, 24 క్యారెట్ల బంగారం ధర రూ.330 పెరిగి రూ.98,680కి చేరింది.

మరోవైపు, వెండి ధరలు స్వల్పంగా తగ్గుముఖం పట్టాయి. కిలో వెండి ధర రూ.100 తగ్గి, రూ.1,10,900గా నమోదైంది. ఈ ధరల హెచ్చుతగ్గులు మార్కెట్ డిమాండ్, అంతర్జాతీయ ధరలు, ఆర్థిక పరిస్థితులపై ఆధారపడి ఉంటాయని నిపుణులు అభిప్రాయపడుతున్నారు. బంగారం, వెండి కొనుగోలుదారులు ఈ ధరల మార్పులను గమనించి, తగిన నిర్ణయాలు తీసుకోవాలని సూచిస్తున్నారు.