టాలీవుడ్ టాప్ ప్రొడ్యూసర్లలో దిల్ రాజు ఒకరు. అయితే, దిల్ రాజు కొత్త ఓటీటీ ప్లాట్ఫామ్ను స్టార్ట్ చేయనున్నట్లు రూమర్స్ వచ్చిన సంగతి అందరికీ తెలిసిందే. దీనిపై తాజాగా దిల్ రాజు ప్రొడక్షన్ హౌస్ అయిన శ్రీ వేంకటేశ్వర క్రియేషన్స్ ట్విట్టర్ అకౌంట్ నుంచి క్లారిటీ వచ్చింది. ‘మా నిర్మాత దిల్ రాజు ఓటీటీ ప్లాట్ ఫామ్ను ప్రారంభిస్తున్నట్లు వచ్చిన రూమర్స్ కొట్టిపారేస్తున్నాం’ అని స్పష్టం చేశారు. ఇలాంటి తప్పుడు సమాచారాన్ని వ్యాప్తి చేయడం మానుకోవాలంటూ ప్రతి ఒక్కరినీ కోరారు. ట్విట్టర్లో ఈ పోస్ట్ ఇప్పుడు వైరల్గా మారింది. దిల్ రాజు ప్రస్తుతం రామ్చరణ్తో గేమ్ చేంజర్ మూవీ భారీ బడ్జెట్తో నిర్మిస్తున్నారు.
- Advertisment -
