టాలీవుడ్లో ఉన్న టాలెంటెడ్ హీరోల్లో రానా ఒకరు. రోటీన్ ఫార్మాట్లో కాకుండా ఎప్పటికప్పుడు డిఫరెంట్ కాన్సెప్ట్ సినిమాలతో అలరిస్తున్నాడు రానా. ప్రస్తుతం భారీ సినిమాలు చేస్తున్న రానా తాజాగా మరో క్రేజీ ప్రాజెక్ట్ను అనౌన్స్ చేశాడు. ప్రముఖ డైరెక్టర్ తేజతో రానా మరో సినిమా చేయనున్నాడు. గతంలో వీరిద్దరి కాంబినేషన్లో వచ్చిన ‘నేనే రాజు నేనే మంత్రి’ఎంత పెద్ద హిట్టయ్యిందో అందరికీ తెలిసిందే. వీరి కాంబో నుంచి రెండో సినిమా కోసం చాలామంది ఆశించారు. ఫైనల్గా దీనిపై గురువారం సాలిడ్ అప్డేట్ వచ్చేసింది. తేజ డైరెక్షన్ రానా సినిమాను కన్ఫార్మ్ చేస్తూ ‘రాక్షస రాజా’ అనే టైటిల్ను అనౌన్స్ చేశారు. రానా బర్త్ డే కానుకగా ఫస్ట్ లుక్ను సైతం రిలీజ్ చేయగా.. అది వైరల్గా మారింది. నామాలు పెట్టుకొని, మెషీన్గన్ చేతిలో పట్టుకుని రానా అగ్రెసివ్గా కనిపిస్తున్నాడు. మరి ఈ సినిమా ఓ సాలిడ్ గ్యాంగ్ స్టర్ డ్రామాగా తెరకెక్కనున్నట్లుగా తెలుస్తోంది. దీనిపై మరింత సమాచారం తెలియాల్సి ఉంది.