– ఇటలీలో ఘనంగా వివాహ వేడుక
– మెగా హీరోల సందడి..ఫొటోను షేర్ చేసిన చిరంజీవి
ఇదే నిజం, నేషనల్ బ్యూరో: నటుడు నాగబాబు కొడుకు హీరో వరుణ్‌ తేజ్‌, నటి లావణ్య త్రిపాఠి ఒక్కటయ్యారు. వీరి వివాహ వేడుక ఇటలీలో ఘనంగా జరిగింది. బుధవారం రాత్రి జరిగిన ఈ వేడుకకు కుటుంబసభ్యులు, బంధువులు హాజరయ్యారు. మెగాస్టార్ చిరంజీవి, పవన్‌కల్యాణ్‌, రామ్‌చరణ్‌, అల్లు అర్జున్‌, అల్లు శిరీష్‌, సాయిధరమ్‌తేజ్‌, వైష్ణవ్‌తేజ్‌ తదితరులు పాల్గొని సందడి చేశారు. మెగా హీరోలంతా ఒకే చోట చేరిన ఫొటోను చిరంజీవి ట్వీట్‌ చేశారు. ప్రస్తుతం ఈ ఫొటోలు ఇప్పుడు సోషల్‌ మీడియాలో వైరల్‌గా మారాయి. ఈ నెల 5న హైదరాబాద్‌లోని ఎన్ కన్వెన్షన్లో రిసెప్షన్‌ జరగనుంది.
