వరంగల్ నుంచి బాబుమోహన్?

Warangal: బీఆర్‌ఎస్‌ నుంచి పోటీకి Kadiyam Kavya నిరాకరించడంతో ఆ పార్టీ అభ్యర్థుల వెదుకులాటలో పడింది. నిన్నమొన్నటి వరకు BRS నుంచి పోటీ చేసేందుకు ఉత్సాహం చూపిన కొంతమంది ఉద్యమకారులు మళ్లీ టికెట్ ప్రయత్నాలు చేస్తుండగా.. తాజాగా మరో పేరు తెరమీదకు వచ్చింది. మొన్నటి వరకు బీజేపీలో కొనసాగి, ఆ తరువాత వరంగల్ ఎంపీ టికెట్ కోసం ప్రజాశాంతి పార్టీలో చేరిన babu mohan బీఆర్ఎస్ నుంచి పోటీ చేస్తారనే ప్రచారం జరుగుతోంది. ఇప్పటికే ప్రజాశాంతి పార్టీ అధ్యక్షుడు కేఏ పాల్ Warangal MP ఎంపీ అభ్యర్థిగా బాబు మోహన్ ను ప్రకటించగా.. ఇప్పుడు ఆయన ప్రజాశాంతి పార్టీకి రాజీనామా చేసి బీఆర్ఎస్ నుంచి పోటీ చేస్తారనే ప్రచారం ఊపందుకుంది. అదే సమయంలో కొంతమంది తెలంగాణ ఉద్యమకారులు కూడా టికెట్ కోసం ప్రయత్నాలు మళ్లీ ముమ్మరం చేశారు.