భారత్‌తో జరుగుతున్న మూడో టెస్టు తొలి ఇన్నింగ్స్‌లో న్యూజిలాండ్ ఆలౌట్ అయింది. టాస్‌ గెలిచి బ్యాటింగ్‌ తీసుకున్న కివీస్‌.. 65.4 ఓవర్లలో 235 పరుగులు చేసి ఆలౌటైంది. విల్‌ యంగ్‌ (71), డారిల్‌ మిచెల్‌ (82) అర్ధశతకాలతో రాణించారు. టీమ్ఇండియా బౌలర్లలో రవీంద్ర జడేజా 5, వాషింగ్టన్ సుందర్‌ 4, ఆకాశ్‌దీప్‌ ఒక వికెట్‌ తీశారు.
రికార్డు బ్రేక్‌ చేసిన జడేజా
న్యూజిలాండ్‌తో మూడో టెస్టు సందర్భంగా టీమిండియా క్రికెటర్‌ రవీంద్ర జడేజా అరుదైన రికార్డు సాధించాడు. ఈ మ్యాచ్‌లో ఇప్పటివరకు జడేజా మూడు వికెట్లు తీయడంతోభారత్‌ తరఫున అత్యధిక వికెట్లు తీసిన బౌలర్ల జాబితాలో చోటు సంపాదించాడు. ఈ క్రమంలో భారత్‌ తరఫున టెస్టుల్లో అత్యధిక వికెట్లు తీసిన బౌలర్ల జాబితాలో జహీర్‌ ఖాన్‌(311), ఇషాంత్‌ శర్మ(311)లను జడేజా(312) అధిగమించాడు.
