Shamshabad Airport: శంషాబాద్ ఎయిర్‌పోర్టులో ప్రయాణికుల ఆందోళన.. అసలు ఏం జరిగిందంటే..?

శంషాబాద్ ఎయిర్‌పోర్టులో సోమవారం ఉదయం కొందరు ప్రయాణికులు ఆందోళనకు దిగారు. ఉదయం 5గంటలకు ఢిల్లీకి వెళ్లాల్సిన ఆకాశ ఎయిర్‌‌లైన్స్ విమానం ఆలస్యం అయింది. దీంతో ప్రయాణికులు ఎయిర్‌లైన్స్ సిబ్బందితో వాగ్వాదానికి దిగారు. ముందస్తు సమాచారం లేకుండా ఫ్లైట్ ఆలస్యమని ఇప్పుడు చెప్పడం ఏంటని మండిపడ్డారు. వెంటనే అక్కడే ఉన్న CISF సిబ్బంది రంగంలోకి దిగి ప్రయాణికులకు సర్దిచెప్పి గొడవ సద్దుమణిగేలా చేశారు.