ఓటీటీలోకి విజయ్ దేవరకొండ “ఫ్యామిలీ స్టార్”..?

పరుశురాం దర్శకత్వంలో విజయ్ దేవరకొండ హీరోగా నటించిన చిత్రం ఫ్యామిలీ స్టార్. ఈ సినిమాలో మృణాల్ ఠాకూర్ హీరోయిన్ గా నటించింది. ఇటీవలే థియేటర్లలో విడుదలై ప్రేక్షకులను మెప్పించింది. గతంలో వీరిద్దరి కాంబినేషన్‌లో వచ్చిన చిత్రం గీతగోవిందం సూపర్ హిట్ అయింది.. కానీ ఫ్యామిలీ స్టార్ మాత్రం యావరేజ్ అనే టాక్ తెచ్చుకుంది. అయితే ఈ సినిమా విడుదలైన కేవలం 20 రోజులకే ఓటీటీలోకి వచ్చేస్తుంది. అర్జున్ రెడ్డి, గీతగోవిందం లతో హిట్ అందుకున్న విజయ్ దేవరకొండ ఆ తర్వాత వరుసగా ఫ్లాప్స్ అందుకుంటున్నాడు. ఫ్యామిలీ స్టార్ త్వరలో ఓటీటీకి రానున్నారు. ఏప్రిల్ 26 నుంచి అమెజాన్ ప్రైమ్‌లో ఫ్యామిలీ స్టార్ ఓటీటీలోకి రానుంది. ఈమేరకు సదరు ఓటీటీ సంస్థ పోస్టర్ ను రిలీజ్ చేశారు. అమెజాన్ ప్రైమ్‌ ఫ్యామిలీ స్టార్ ఓటీటీ రైట్స్ ను భారీ ధరకు కొనుగోలు చేసిందని తెలుస్తోంది.