అమెరికాలో దారుణం.. జనాలపైకి దూసుకెళ్లిన కారు..10 మంది మృతి

కొత్త సంవత్సరం సందర్భంగా అమెరికాలో దారుణ ఘటన చోటుచేసుకుంది. ఒక వాహనం జనంపైకి దూసుకెళ్లడంతో 10 మంది మృతి చెందారు.ఈ ప్రమాదంలో 30 మంది గాయపడ్డారు. ఫ్రెంచ్ క్వార్టర్ ఆఫ్ న్యూ ఓర్లీన్స్‌లోని బోర్బన్ స్ట్రీట్‌లో ఈ ఘటన చోటుచేసుకుంది. ఈ ఘటనను ఉగ్రవాదుల దాడిగా నగర మేయర్ అభివర్ణించారు.అయితే ఈ ఘటన లో ట్రక్కు నుండి దూకిన వ్యక్తి కాల్పులు ప్రారంభించాడు. అక్కడే ఉన్న పోలీసులు కూడా వెంటనే కాల్పులు జరిపారు. న్యూ ఓర్లీన్స్‌లోని ఫ్రెంచ్ క్వార్టర్ ప్రసిద్ధ పర్యాటక ప్రదేశంగా ప్రసిద్ధి చెందింది. ఈ ఘటనపై స్థానిక పోలీసులు కేసు నమోదు చేసి దర్యాప్తు ప్రారంభించారు.