విషాదం.. పాక్ కాల్పుల్లో తెలుగు జవాన్ మురళి నాయక్ వీరమరణం..!

శ్రీ సత్యసాయి జిల్లా, పెనుకొండ నియోజకవర్గంలోని గోరంట్ల మండలం, గడ్డం తాండ పంచాయతీకి చెందిన కళ్లి తాండా గ్రామానికి చెందిన శ్రీరామ్ నాయక్ కుమారుడు మురళి నాయక్, పాకిస్తాన్ సైన్యంతో జరిగిన కాల్పుల్లో వీరమరణం పొందినట్లు సమాచారం. ఈ ఘటన భారత్-పాకిస్తాన్ సరిహద్దులో ఉద్రిక్తతల నడుమ జరిగినట్లు తెలుస్తోంది. మురళి నాయక్ భారత సైన్యంలో జవాన్‌గా సేవలందిస్తూ దేశం కోసం తన ప్రాణాలను అర్పించారు. ఈ దుఃఖకర సంఘటన గురించి సమాచారం అందిన వెంటనే గ్రామంలో విషాద ఛాయలు అలుముకున్నాయి. కుటుంబ సభ్యులు, గ్రామస్తులు ఈ గుండెలపగిలే వార్తతో కన్నీరు మున్నీరుగా విలపిస్తున్నారు.