గ్రూప్‌ -1 ఫైనల్‌ ‘కీ’పై సుప్రీంకోర్టును ఆశ్రయించిన నిరుద్యోగులు

తెలంగాణ రాష్ట్ర గ్రూప్-1 పరీక్షలకు వ్యతిరేకంగా పోరాడుతున్న నిరుద్యోగులు సుప్రీంకోర్టును ఆశ్రయించారు. గ్రూప్-1 ఫైనల్‌ ‘కీ’పై సుప్రీంకోర్టును ఆశ్రయించారు. అయితే ఫైనల్ కీలో చాలా తప్పులు ఉన్నాయని, తమ అభ్యంతరాలను టీజీపీఎస్సీ పట్టించుకోవడం లేదని న్యాయం చేయాలని కోరుతూ నిరుద్యోగులు సుప్రీంకోర్టులో పిటిషన్ వేశారు. అభ్యర్థుల తరఫున న్యాయవాది మోహిత్‌రావు పిటిషన్‌ దాఖలు చేశారు. ఈ కేసు సోమవారం విచారణకు వచ్చే అవకాశం ఉంది. టీజీపీఎస్సీ గ్రూప్-1 ప్రైమరీ కీని విడుదల చేయగా 1,712 మంది అభ్యర్థుల నుంచి 6,417 అభ్యంతరాలు వచ్చాయి. నిపుణుల కమిటీ సూచనల మేరకు మాస్టర్ ప్రశ్నాపత్రం నుంచి 56, 59 ప్రశ్నలను తొలగించారు. ప్రశ్న సంఖ్య 115కి సరైన సమాధానం ఎంపిక 2 నుండి 1 సరైన సమాధానంగా మార్చబడింది. అయితే మొత్తం 13 ప్రశ్నల సమాధానాలపై అభ్యర్థులు అభ్యంతరాలు వ్యక్తం చేశారు. అయితే తెలుగు అకాడమీ పుస్తకాల్లో ఉన్న సమాచారాన్ని కోర్టు ముందుంచారు. ‘కీ’పై విచారణ సందర్భంగా తెలుగు అకాడమీ పుస్తకాలు ప్రామాణికమైనవి కావని టీజీపీఎస్సీ హైకోర్టుకు తెలిపింది. గూగుల్, వికీపీడియాలను ప్రమాణాలుగా ఉపయోగించుకుని ‘కీ’ని ఖరారు చేసినట్లు టీజీపీఎస్సీ కోర్టుకు తెలిపింది. ప్రభుత్వ సంస్థ పుస్తకాలు ప్రామాణికం కాకపోతే ఎలా..? దీంతో అభ్యర్థులు సుప్రీంకోర్టును ఆశ్రయించారు.