– హుటాహుటిన బయలుదేరిన బీజేపీ స్టేట్ చీఫ్
– అసెంబ్లీ ఎన్నికలపై కీలక చర్చలు?
ఇదేనిజం, నేషనల్ బ్యూరో: కేంద్రమంత్రి, బీజేపీ స్టేట్ చీఫ్ కిషన్ రెడ్డికి బీజేపీ హైకమాండ్ నుంచి అర్జెంట్ కాల్ వచ్చింది. దీంతో ఆయన హుటాహుటిన ఢిల్లీ బయలుదేరి వెళ్లారు. ఇటీవల ప్రధాని మోడీ వరస పర్యటనలు, రాష్ట్రంలోని ప్రస్తుత రాజకీయ పరిస్థితిపై కిషన్ రెడ్డితో కేంద్ర పెద్దలు చర్చించబోతున్నట్టు సమాచారం. కేంద్ర హోమంత్రి అమిత్ షాతో కిషన్ రెడ్డి ప్రత్యేకంగా సమావేశం కాబోతున్నట్టు సమాచారం. ఇటీవల ప్రధాని మోడీ తెలంగాణ పర్యటనలో భాగంగా పసుపుబోర్డు, గిరిజన వర్సిటీపై హామీలు ఇచ్చిన విషయం తెలిసిందే. త్వరలో జరగబోయో కేంద్ర క్యాబినెట్ సమావేశంలో ఈ అంశాలు ఉన్నట్టు సమాచారం. దీంతో కిషన్ రెడ్డి ఢిల్లీ పర్యటనకు ప్రాధాన్యం సంతరించుకున్నది.
